醉瓊樓飯店 (西貢街)

营业中

休息中

醉琼楼系做传统客家菜，虽然看似平凡没有特别，但要做得好，仲系keep住好真心唔系咁易，醉琼楼做左40年以上，我间唔时都会嚟食，只因为出面无一间水准好似佢咁稳定。晚餐时段套餐好抵食，午餐就50蚊一口价全包，包茶芥加一，摆低50蚊就有一碟出色嘅盐焗鸡，鸡色泽分明，肉质爽唔韧仲要皮一定滑一滑，盐焗好均衡，唔似出面果啲完全唔咸，总之食唔出有盐焗嘅感觉。我就一定食梅菜扣肉，真系无得输，虽然佢上碟时成碟扣肉会直接放在饭面上，对于一啲讲求卫生嘅食客一定接受唔到，但事实就系只要好食，绝对接受佢嘅上菜方式，而佢亦唔会为讨好你而改变佢嘅作风，呢啲或许就系老店嘅坚持所以就到今时今日仲keep到水准。讲番碟扣肉，佢嘅梅菜系甜口嘅当然唔会有渣啦，最出色当然系嚿猪肉，一定系肥瘦分明，仲要好甘香，出色。