沙田新強記燒鵝海鮮酒家

营业中

休息中

今日约左个fd出黎食饭，见佢咁耐无番香港，紧系一齐去食啲港式野食😬 google完揾到新强记好似几出名，一于就试下。大约上昼至中午时段黎，都已经有好多客，睇黎都系好受欢迎既酒楼😆。点心同粉面既选择都好多，唔同野食都有唔同既供应时间，好在我地想食既点心都仲有供应😆🍴椰香黄金糕平时都系过年先食到黄金糕，今年无食到就嗌黎食下。啲糕甜甜地几好食😋仲要超弹牙，一笼有三大件🍴豉汁凤爪、姜葱牛栢叶呢两样饮亲茶都必嗌，系酒楼既水准👍🏻🍴蟹子烧卖皇肉质扎实，值得试试🍴椒盐豆腐呢个真系好正😆 岩岩炸起新鲜滚热辣，唔洗点酱已经劲好味，外面又脆又香口，入面既滑豆腐就入口即融。一碟有好多粒，食到停唔到，我地食到最后先醒起未影相🤣推介！（连隔离枱个婆婆都问我地呢个咩黎🤣话好似好好食）🍴香妃鸡饭两个人食点心加个饭就够晒饱，而且份量都好多。可惜个fd唔食鹅，如果唔系都好想试下佢地既烧鹅😋除左点心，以前食过佢地个鸡粥都好正。今次得2个人，食得太饱食唔到咁多野，下次再黎试下先。