華姐清湯腩

营业中

休息中

如果人地问系香港有边间食牛腩河出名？相信一定唔少得「华姐清汤腩」，连米芝莲都推介，不过好惭愧地一直未有黎试，因为好少去天后，虽然好近铜锣湾，但都冇机会过黎，而今日终于黎左试下呢碗传说中既「华姐」！餐厅内外差唔多7pm去到，好彩排左5分钟就有位，因为舖头其实算细，唔系得好多枱，再加上名气，所以有人龙系唔出奇，不过好彩系粉面档，通常大家食完就走，所以好快有位。食物选择拎得米芝莲，就一定会有好多游客黎食，所以餐牌连日文都有，认真厉害，而且价钱都真系唔平，如果食捞面，全部再贵多最少$10，最贵果碗要成$82，完全系贵价粉面店。清汤牛腩粉 $48一开头上错哂，后尾先上返岩我呢碗「清汤牛腩粉」，一呷个汤底好清，唔算得话清甜因为牛味唔算重，但相反食耐左觉得有啲咸，而牛腩就真系高质，半肥瘦，部份带肥膏，好嫰，亦见到佢纹路系一丝丝咁，所以好入味亦好易咬，唔会有渣，但索价$48真系有啲贵。我觉得系几好食既，不过汤底真系有啲偏咸，唔太肯定有冇落味精，而且都真系有啲贵，但会想返转头食佢既牛腩，间唔时食下都ok既。