傷心酸辣粉 (裕景坊)

营业中

休息中

系香港地要揾个好食嘅酸辣粉真系唔容易，首选一定系深水埗文记车仔面，其次我会拣伤心酸辣粉，因为佢够多分店，我屋企附近就有两间。原本都想嚟食酸辣粉，黎到竟然见到有烤鱼同鸡煲， 仲有羊腩煲，即刻试下新嘢先！今晚先试二人套餐，我哋拣咗酸菜烤鱼238蚊， 唔辣嘅， 仲跟埋火锅配料a至d各选一款。火锅配料我哋拣咗肥牛，芝士肠，小阔面 同埋大豆芽，因为烤鱼一定要有大量大豆芽先至系最夹。烤鱼系用咗加州鲈鱼炸左后放汤，鱼肉份量足够两个人，本身跟锅嘅配料都唔少，最正系面头嘅大量芫茜同埋酸菜， 汤底就比较清， 个人认为酸多小小会更好。冻柑桔话梅雪碧加10蚊， 咸咸甜甜几正又下火。