Outback Steakhouse (銅鑼灣廣場一期)

营业中

休息中

今日约咗四个朋友仔去铜锣湾食午餐，其中一人有张优惠券，可以叫三个午餐免费送一个，于是我哋就用咗呢个优惠！既然有优惠，当然叫得越贵就越抵啦，于是其中三个要美国牛柳($198)，两个要肉眼扒($218)。未嚟主菜之前先有佢个招牌黑糖面包，呢个包我一向兴趣不大，所以食咗少少，之后有个忌廉蘑菇汤同沙律，个汤几好饮，沙律都算新鲜。我个主菜系五成熟嘅肉眼扒，切开嘅时候都冇overcook，有少少血水，食落口有肉眼扒应有嘅牛味，块扒都算大，亦都好多薯条，侧边仲有啲配菜，所以食晒成碟野都几饱。最后买单加埋一，每位$187，都算抵食，而且唔会吹人走，好适合几个朋友倾计食饭。