喇沙 (已結業)

屋企冇煮饭，再次出动揾食。本来系去「鱻」的，谁不知原来未开门做生意，想起之前帮衬过一次的「喇沙」都几好食，咪行过一条街碰吓运气啰，好彩附近几间食店虽然都冇开，佢就有开门，拿拿林入去坐低叫嘢食。虽然上次试过佢嘅「喇沙」系几好味，不过今晚想食咖喱多d，于是叫咗个一人咖喱牛腩套餐跟薄饼，太座因为抱恙，只系叫咗个泰式生熟牛肉汤河，再加几蚊一人整番杯马来拉茶试试。主菜未到，马来拉茶先来。呷一啖，觉得奶味和茶味恰到好处，浓郁得来不会过甜，不错！不过唔多够热，扣了一点分数。主菜上桌，咖喱惹味得来唔系太辣，对不太吃得辣又爱吃辣的自己来说味道刚刚好。牛腩和薯仔也稔，加埋最啱点咖喱吃的印度薄饼，的确系最佳配搭。埋单找数，两个人食晚饭$90都唔使，同帮衬快餐店差唔多价钱，都可算价廉物美了。