Youni (裝修中)

本身见到openrice得好少食评，其实都有啲心大心细去唔去食好，不过sell健康嘅食店又要平又要好食真系难揾啲，所以胆粗粗去试下。上到去四楼，间舖系起间gym入面，可以话系一路对住啲大只佬做gym一路食饭lol基本上都唔太多人，加上有好多梳化同枱，去到就有得坐。餐牌上面所有嘢都有标明几多卡路里，对于要keep fit嘅人可以作个参考。大部份食物都系68至78蚊左右，我就拣咗个日式照烧鸡扒饭食，加咗五蚊转藜麦，total $73 （不过我用咗apps订枱，所以有八折，折咗58蚊左右，算几抵食）叫咗之后5分钟左右就已经有得食，有埋专人送过嚟，唔洗出counter拎。兜嘢比我想像中大兜好多，果两旧鸡扒每块都大过我手掌，所以我系食唔晒的。整体嚟讲味道唔差，因为本人口味比较淡，个汁对我嚟讲略咸，但尚可接受。入面有大量沙律菜，加咗麻酱，味道清新。另外仲有啲杂豆同豆腐，同埋半只蛋，都几丰富。总括嚟讲都几推荐一试。