SAVVY

上星期揾咗间有情调嘅餐厅慢慢enjoy dinner倾吓计。太子酒店SAVVY系响海港城3楼，上网睇系超过8000平方呎，装修时尚得嚟，佢又有酒吧又有餐厅。睇餐牌后最后都决定点二人套餐，因为可以试吓印度菜式之余，仲有小食、餐汤、主菜等，真系超丰富，价钱一啲都唔贵，我哋慢慢享受咗三个钟。小食就有素肉饺、蟹肉饼，加素菜汤，先开开胃口。素菜拼盘上碟时温度keep住热，我特别喜爱个印度薄饼，真系好松软; 拼盘仲有豆腐、各式香料炒豆、奶酪同咖哩，香料味道好传统，亦可配印度饭中和一下，感受到异国情调。食到呢度已经饱左一半，但主菜三文鱼煎得好香，外脆得嚟肉质好juicy! 大啡菇铺上芝士焗，蒜蓉菜心都炒得好香，中西菜式夹住食。再讲多次，二人套餐都只系$798，仲有咁多嘢食，环境舒适，真系超抵！最后都忍唔住点多两个甜品，蓝莓芝士蛋糕、咖啡豆蛋糕(少许alcohol），精致亦不太甜，为整顿晚餐划上完美句号。