九份飽 (屯門時代廣場南翼)

营业中

休息中

小编久唔久就会想食台湾嘢，今次为大家介绍一间价格亲民又好食嘅餐厅，就系位于屯门市中心嘅九份饱啦。我地叫咗海苔肉松起司蛋饼、炸甜不辣同埋红烧牛肉面。⭐️ 海苔肉松起司蛋饼馅料装得满满，因为包得好扎实，所以分开几两三啖咬都唔会散开。肉松+芝士，my favourite，正。🤤⭐️ 炸甜不辣第一次食甜不辣，口感好得意，烟烟韧韧。Q弹嘅炸鱼饼，洒上椒盐，调味刚刚好，搞到小编一旧接一旧好快就食晒。😋⭐️ 红烧牛肉面上次嚟呢间食咗红烧牛肉米粉，今次试下面。牛肉就一如既往嘅软腍，而且数量都唔少。而粗身嘅手打面的面质QQ有嚼劲，大推。👍🏻好食又平嘅小店当然就会好多人排队。餐厅亦都接好多外卖单，所以大家记住要预多少少时间等候啊。