SENSU (荃新天地) (已結業)

之前食咗下午茶，一路未有心情写食评。今日终于的起心肝，写下当天食后感。餐厅座落商场入面，开放式设计，行人经过都见到 餐厅入面嘅装修。佢嘅装修以木系森林为主，简单但有文青feel。青之鹊舍下午茶，网上订座半价优惠。咸点甜点各一半，份量唔算特别多，下午茶就啱啱好。咸点嚟讲，牛油果鸡肉多士算唔错，牛油果味足够，多士还脆。 相反明太子蛋三文治就比较普通。 炸虾天妇罗唔特别，炸粉算厚。甜点黎讲，朱古力挞系比较接受， 朱古力味算浓，但唔爱甜嘅朋友就认为一般啦。 芝士蛋糕唔够企身，质感一般。整体下午茶味道一般，唔特别出色，只是因为半价价钱试试而已。