一品南記

营业中

休息中

有同事新居入伙，搬咗去沙田翠华花园，今日放工叫咗我哋几位同事入去参观一下，之后去咗食晚餐，大家都话天气热唔想食饭，想食啲粉面，咁就去咗附近嘅一品南记食，餐厅地方整洁，主打港式粥粉面饭，价钱大众化。状元及第粥：及第粥粥底绵滑，大米经过长时间的熬煮几乎融化成浆糊般，但米粒依然可见其形状，粥稠而不粘。加入猪肚、猪粉肠、猪膶和肉丸等材料，食材新鲜用料足，味道鲜香爽滑 。生滚猪膶粥：猪润够新鲜又肥厚大件，而且养肝明目，鲜味爽滑，粥好绵，好好味﹗鲜虾凤城水饺面：大大粒的手包水饺好足料，用上木耳、笋丝、鲜虾及猪肉，食落好鲜味又爽口，加上弹牙的幼面，每一口都是传统滋味。招牌细蓉河粉：云吞皮薄馅靓，用料十足，薄皮内包满虾肉，吃起来很爽口，汤底鲜甜河粉滑溜。葱花虾米肠：肠粉即叫即做，软滑嘅肠粉皮， 加上葱花独有嘅香味， 仲有一粒粒虾米增加口感，再加啲甜豉油、甜酱、辣酱和麻酱，超级好味！炸两：用肠粉包裹油条，加麻酱、甜酱、辣酱一起吃，外腍内微脆非常美味。