陳根記 (已搬遷) 新店位置

之前试过一次，琴日再同朋友去食晚饭，好彩早到左去揾位，如果唔系有排等，6:30已经好多人等位。芥辣蟹籽手撕鸡半只，味道依然好食但可能太多人既关系，唔够冻。但都值得一试。醉拳，花雕猪手味道OK,但太多猪毛，整唔干净，肉都好少。头抽鸡半只，味道好食，肉质好滑，值得一试。蚝仔粥，蚝仔有点壳，但粥底比较（结身），有点失望。蚝饼好食，炸粉都唔系好厚，值得一试，蚝仔大只。沙拉骨，好食，肉质好淋，值得一试鲜鱿，炸粉太多，有点失望辣酒煮花螺，有沙，沙得唔干净，但味都可以。无阴公牛栢叶，好酸，唔似冬荫公味，太酸喇蚬唔靓，有阵唔知咩野味，落左好多盐，咸味都盖晒，好难食。椒盐九肚鱼，太干，无咩味。腐乳通菜，味道几好，份量又多。整体鸡都好滑好好食，值得一试，价钱方面实惠，但好多人食，要早点去揾位。都会再去试多几次。