上海一品香菜館

营业中

休息中

想食啲平民价上海菜，呢间一品香都系一个唔错既好选择！我地五个人叫左一个酸辣汤，砂锅云吞鸡，火丁津白，上海粗炒，鸡丝粉皮，小笼包，豆沙窝饼。酸辣汤好足料，但系只有酸，唔辣。砂锅云呑鸡入面有半只鸡，七八粒云呑，个汤都好鲜甜。火丁津白个卖相好似麻麻地咁，但菜同豆卜都煮得好入味！唔好睇啲小笼包细细粒，入面都有汤汁，无穿无漏！豆沙窝饼就唔推荐啦，虽然热辣辣，但一啲都唔脆，可以唔叫。我地坐𠮶张枱系喺观广等䢂既位，接受唔到坐餐厅外面食既你，就要早少少去等位啦。