唐人館 (置地廣場中庭)

营业中

休息中

听过唐人馆个名好耐但都系第一次来试，点知食物质素真系同 expectation 出入太大。 餐厅位于 Landmark Atrium 4楼，地段高贵，餐厅入部装修都系走高级路线，价钱自然唔平，可惜服务同食物方面同一般企理少少嘅酒楼无异。先讲个「唐人馆叉烧」，其实不俗，半肥瘦肉质都算松化，但比佢好嘅大有其他选择，绝对唔值$358。点心方面叫咗虾饺、金丝海鲜肠粉、灌汤牛肉饼同煎萝卜糕，都系平平无奇。西班牙红虾伊面 ($228/位)，呢个都 ok，但我会 prefer 佢俾返原只虾头可以食入面啲膏，果度先系西班牙红虾嘅精萃。个「极品」炒菜心苗系好食嘅，够嫩同有少少酒味炒得够香，但都系菜心一碟就 $258。最后甜品都系失望嘅，芋茸炖鲜奶炖老咗唔够滑，擂沙汤圆皮厚馅少，菠萝流沙包比较好但皮唔够酥脆，都系不过不失吧。整体黎讲呢度近乎酒店价但食物质素十分普通，应该唔会有下次了。