影片
更多
2023-10-17
494 浏览
今晚同朋友一行5人用openrice优惠券去缘味小聚，体验奇差，希望各位三思系咪真系要去呢间餐厅食野，以下慢慢细说重点：1。优惠券并无告知要额外收费原本系见到好似平左，几抵食所以买优惠券，点知去到发现要收$48酱油费，加埋系$346，而原价系$348，系平左$2啊！我真系多谢晒你啊！$48酱油费你比左啲咩我啊？蒜、葱、辣椒同豉油，无喇，你可唔可以比啲诚意我？比多几个酱啊？2。座位窄我一早打去订5位先买优惠券，但原来呢间野所有枱都系for 4个人，咁你唔一早讲定可能有啲窄？5个人逼落去4个位，张枱又唔系大，几个男人坐真系冇空间可言。3。服务态度&效率差先唔讲老板西口西面（可能佢习惯左），我哋叫店员同老板都叫左3、4次比个QR Code我哋落order，谂住等海鲜都可以食住其他野先，点知一路都冇比。另外，我哋食火锅前都冇郁过个锅，但个老板态度比较差咁问我哋系咪又整到个锅错左位置搞到热唔到，隔左一阵佢见仲未滚又问我哋系咪踢到个插头，但明明我哋所有人都冇郁过（even蒸海鲜我哋都系叫店员帮我哋夹，因为蒸锅盖有啲热）。4。对食物十分十分失望本身已经收紧我300蚊，但大部分海鲜都唔系好新鲜，蛏子同
1。优惠券并无告知要额外收费
原本系见到好似平左，几抵食所以买优惠券，点知去到发现要收$48酱油费，加埋系$346，而原价系$348，系平左$2啊！我真系多谢晒你啊！$48酱油费你比左啲咩我啊？蒜、葱、辣椒同豉油，无喇，你可唔可以比啲诚意我？比多几个酱啊？
2。座位窄
我一早打去订5位先买优惠券，但原来呢间野所有枱都系for 4个人，咁你唔一早讲定可能有啲窄？5个人逼落去4个位，张枱又唔系大，几个男人坐真系冇空间可言。
3。服务态度&效率差
先唔讲老板西口西面（可能佢习惯左），我哋叫店员同老板都叫左3、4次比个QR Code我哋落order，谂住等海鲜都可以食住其他野先，点知一路都冇比。另外，我哋食火锅前都冇郁过个锅，但个老板态度比较差咁问我哋系咪又整到个锅错左位置搞到热唔到，隔左一阵佢见仲未滚又问我哋系咪踢到个插头，但明明我哋所有人都冇郁过（even蒸海鲜我哋都系叫店员帮我哋夹，因为蒸锅盖有啲热）。
4。对食物十分十分失望
本身已经收紧我300蚊，但大部分海鲜都唔系好新鲜，蛏子同扇贝更加系十分之细，蛏子长度大约系等于我嘅尾指。除此之外，火锅汤底清淡，冇乜味道，餐厅提供嘅饮品亦系比较冷门，整体食物比较好嘅可能系点心同牛肉。
总括而言，我认为缘味小聚可以话系近一，两年食过最唔抵食嘅餐厅，甚至有一种比人呃左去食嘅感觉。
张贴