影片
更多
2021-05-28
447 浏览
呢间韩国菜餐厅都开咗一排，都好想试下。但次次黎都好多人排队，所以都转咗食第二间。今次中午黎到，咁啱有位可以入去试下。以为佢哋系食烤肉嘅，会好重油烟味，但行入去又唔觉得会。就算坐系到食咗个半钟，走果时都冇咩油烟味。呢点真系好好成间店舖坐位间隔安排都唔会话令人坐得好逼夹。叫好野食后，上咗5种小菜，泡菜同芽菜可以任加，其他就要再另外收钱。3样唔辣，2样辣。花生有小小甜味，但唔系棉香果种，所以个人觉得还好；个样好似萝卜片嘅辣薯片，口感比较爽脆，味道辣辣哋；芽菜同四季豆睇得出都好新鲜，但四季豆真系冇咩味。芽菜味道清淡，但唔系白灼果种，冇草青味，芽菜豆都系大大粒。呢到嘅泡菜食得出系正宗嘅韩国泡菜。泡菜腌得唔透又会生，腌过龙又会太酸太咸，而呢间就系腌得够透的之余又唔系腌过龙嘅。食落第一啖会感觉有小小甜味同带啲韩国辣酱嘅蒜味，口感都比较爽脆。主菜系生牛肉石头锅饭，个卖相都好吸引。佢有除咗有牛肉呢个主角之外，会有一粒生蛋黄、炸蒜蓉同葱花。餐厅嘅职员都好好服务，会帮我哋伴好成个饭俾客人食，呢个服务好贴心呀咁样除咗令客人我哋觉得方便享用之外，都会避免啲客人伴得唔匀而影响口感。石头锅饭当然少不了饭焦啦，如果钟
以为佢哋系食烤肉嘅，会好重油烟味，但行入去又唔觉得会。就算坐系到食咗个半钟，走果时都冇咩油烟味。呢点真系好好成间店舖坐位间隔安排都唔会话令人坐得好逼夹。
叫好野食后，上咗5种小菜，泡菜同芽菜可以任加，其他就要再另外收钱。3样唔辣，2样辣。花生有小小甜味，但唔系棉香果种，所以个人觉得还好；个样好似萝卜片嘅辣薯片，口感比较爽脆，味道辣辣哋；芽菜同四季豆睇得出都好新鲜，但四季豆真系冇咩味。芽菜味道清淡，但唔系白灼果种，冇草青味，芽菜豆都系大大粒。
呢到嘅泡菜食得出系正宗嘅韩国泡菜。泡菜腌得唔透又会生，腌过龙又会太酸太咸，而呢间就系腌得够透的之余又唔系腌过龙嘅。食落第一啖会感觉有小小甜味同带啲韩国辣酱嘅蒜味，口感都比较爽脆。
生牛肉石头锅饭
$105
51 浏览
1 赞好
0 留言
主菜系生牛肉石头锅饭，个卖相都好吸引。佢有除咗有牛肉呢个主角之外，会有一粒生蛋黄、炸蒜蓉同葱花。
餐厅嘅职员都好好服务，会帮我哋伴好成个饭俾客人食，呢个服务好贴心呀咁样除咗令客人我哋觉得方便享用之外，都会避免啲客人伴得唔匀而影响口感。石头锅饭当然少不了饭焦啦，如果钟意食嘅话可以同职员讲，佢就会迟少少先同你伴。生牛肉同蛋黄系伴饭嘅过程会因为加热咗嘅石头锅而慢慢咁熟透，咁样会最大保留咗牛肉嘅鲜嫩口感。配合埋粒蛋黄，增加咗饭嘅湿度，令成个饭更加香滑。
而小菜中嘅泡菜同芽菜系伴饭嘅最佳拍档，多汁嘅芽菜，加上惹味爽脆嘅泡菜，配合香脆嘅炸蒜同埋鲜香嘅葱花，混合埋嫩滑嘅牛肉，成个饭真系相当精彩！
因为依家海港城有卷可以用，唔计加一，呢间系满100减50，今餐午市人均加埋加一70蚊都唔洗，所以都几抵食！
张贴
