山東餃子館 (已搬遷) 新店位置

呢间饺子店我已经黎过好多次，每次突然想食饺子既时候都会黎～今次带朋友黎捧场，佢地点左好多款唔同味既饺子😆 我自己基本上次次都系食饺子，今次突然想点其他野食试下～之前已经好想试下呢个鸡丝拌面！果然无点错！酱汁同埋清新既青瓜丝夹埋一齐食，真系一流！配合埋好香的芝麻酱，唔单止唔盖过本身鸡丝既味道，反而又合度好处地将鸡丝既味道再带出黎～见到隔离枱点葱油千层饼好似卖相几唔错于是我又点左一份。咬落好脆卜卜好松化，葱味好浓好香，完全feel到系好新鲜整出黎，唔会食到好似好紧好多面粉咁～而且我钟意佢唔会好油腻，值得赞👍🏻