影片
更多
2023-02-10
29 浏览
放假终于得闲去踩单车，顺路游览将军澳新开嘅跨湾大桥🌉，夜晚就去埋澳南𠮶边揾食。呢头有唔少餐厅，普遍都系行中高档路线，呢晚帮衬咗嘅「Le Marché Steak & Frites」亦唔例外。店舖装修几靓，设有唔少梳化座位，适合一班人聚会，环境气氛让人舒服放松。另一边厢，餐厅嘅店员们系虽然全男班👦🏻，但个个都好有礼貌同友善，并且爱心爆棚，乐于同小朋友倾偈耍乐👍。餐厅定价虽然唔平，不过胜在份量十足🍽，但我略嫌菜式选择唔够多，例如只得一款意粉，又无乜小食。如果两个人嚟食就试唔到太多款。USDA Choice Natural Holstein Beef Ribeye 美国特选级天然「黑白牛」肉眼扒($468/16oz)，呢件牛扒不得了🥩，我成日都话牛扒要有返咁上下大小，食落先有满足感。牛扒接近一吋厚，要控制好火候绝非容易🔥，因为好易整到外面过熟，入面又太生。我哋要求七成熟，厨师完美演绎咗有关定义，肉芯呈淡粉红色，肉质软腍又多汁。肉眼扒脂肪分布均匀，唔会话边位有成条肥膏，所以食落又带点口感。牛扒冇乜伴菜，只得两粒蕃茄仔同烤蒜头。反而酱汁方面就几缤纷🤤，例如有Gravy牛肉汁、Black Pepp
放假终于得闲去踩单车，顺路游览将军澳新开嘅跨湾大桥🌉，夜晚就去埋澳南𠮶边揾食。呢头有唔少餐厅，普遍都系行中高档路线，呢晚帮衬咗嘅「Le Marché Steak & Frites」亦唔例外。
店舖装修几靓，设有唔少梳化座位，适合一班人聚会，环境气氛让人舒服放松。另一边厢，餐厅嘅店员们系虽然全男班👦🏻，但个个都好有礼貌同友善，并且爱心爆棚，乐于同小朋友倾偈耍乐👍。
餐厅定价虽然唔平，不过胜在份量十足🍽，但我略嫌菜式选择唔够多，例如只得一款意粉，又无乜小食。如果两个人嚟食就试唔到太多款。
USDA Choice Natural Holstein Beef Ribeye
$468
4 浏览
0 赞好
0 留言
牛扒冇乜伴菜，只得两粒蕃茄仔同烤蒜头。反而酱汁方面就几缤纷🤤，例如有Gravy牛肉汁、Black Pepper黑椒酱同Homemade Hollandaise荷兰蛋黄酱。另外，佢连Mustard芥辣都有四款拣，分别有英国、德国同两款法式口味。佢哋每一款都各有特色，我几钟意个蛋黄酱🍳，惹味得来、唔会抢咗牛扒光芒。不过由于件扒本身高质，所以轻轻沾少少咸，食返原味已经好正。
Baked Alaska Halibut
$248
11 浏览
0 赞好
0 留言
Baked Alaska Halibut 烤阿拉斯加比目鱼($248/300g)，餐厅以纸包焗鱼嘅煮法处理🐟，咁样就能够锁住肉汁，而且亦令调味更入味。比目鱼颇巨型，厚度同牛扒有得挥。白身鱼鱼肉嫩滑，兼且富有弹性、唔松散；而鱼皮则微脆。厨师将洋葱同蕃茄仔等食材🧅，放上鱼柳一同焗制，并同时渗出牛油香。整体调味清爽简单，更能突显食材嘅鲜味。
Creamy Spinach
$68
6 浏览
0 赞好
0 留言
Unlimited Fries无限量薯条，餐厅嘅其中一个卖点就系任食薯条🍟。我哋落单无耐，店员就先送上一兜热辣辣、新鲜炸起嘅薯条。薯条偏幼身，似麦记𠮶种，不过就做到外脆内软嘅效果。但综合而言又未算太难忘，所以就未有Encore。
饮品方面🍹，我哋嗌咗两杯冇酒精嘅特饮Mocktail($58)，蓝色系Blue Lagoon，而橙色就系Shirley Temple。佢哋鲜艳嘅颜色，令我担心味道会好甜或好假。不过出品系正常嘅，蓝色𠮶杯偏向柠味🍋，而橙色𠮶杯嘅底估计系用上姜味汽水Ginger Ale，够晒汽。
总括嚟讲，估唔到将军澳竟然有一间咁出色嘅扒房，牛扒水准好高，可媲美星级酒店餐厅🌟。即使佢定价同购物旺区嘅餐厅差唔多，但我认为系对得住个价钱。钟意食牛扒嘅话，不妨一试！
张贴
