初味

营业中

休息中

朋友话带咗我去食好嘢，佢就好嘴刁嘅，所以我都唔问佢食乜啦，因为通常佢话食得过嘅都唔会系难食架喇，差极都有个谱。约咗喺炮台山站等，咁我就跟住佢行啦。边行边问系食咩国家嘅菜式，佢就话系食西餐，话水准好高，价钱又合理。每人大约3百蚊都已经食到好饱，可以叫到几道菜，讲到好抵食。餐厅喺条小街入面，门口唔大不过内里都有唔少枱，walk-in都唔怕无位。环境宁静舒适，感觉可以坐好耐慢慢倾计。点咗龙虾汤，味道浓郁，饮得出系用炒过嘅龙虾去煮，好好味。牛油焗田螺，惊喜系薯蓉，吸埋牛油嘅香味。乳猪皮脆肉嫩，不会过肥，必食之一。牛扒我就无食啦，因为我唔食牛肉嘅，不过朋友就食到好滋味。