樂法 (已結業)

夏日炎炎，冰冻嘅饮品系必需品。呢间喺渣甸中心𠮶头嘅饮品店主打水果类饮品，比起而家大热嘅黑糖珍珠鲜奶，感觉更refreshing。火龙果云朵冰沙(L) $39 价钱有点少贵，但饮落完全觉得物有所值。呢款系店内嘅No.1，卖相超吸晴，我哋跟住店员嘅推荐，叫咗半糖，饮落口，估唔到火龙果都有咁鲜甜嘅味道！白色嘅系足足一杯份量嘅乳酪，用料一啲都唔姑寒，而且加入乳酪，令口感同味道都增添层次，酸酸甜甜消暑一流！西瓜奶盖欧蕾(L) $28 呢款系新推出嘅味道，我超爱😍 平时我饮咩都正常甜度，呢款店员话走甜都ok，一试，真系㖞！走甜仲可以畀客人饮到西瓜原本嘅清甜，加埋个奶盖唔会好稠，成杯感觉完全系为夏天而设，超满足！P.S. 饮到最后，西瓜奶盖欧蕾仲会变成靓靓粉红色💕⁣5月尾-6月头，尖沙咀都会开分店，到时唔驶过海都饮到。唔驶加一服务费，埋单2人约$70。如果你钟意睇我嘅食评，不妨关注我，支持吓我，谢谢你☺️💕