影片
更多
2024-09-25
1812 浏览
细个三叔带我喺深水埗揾食，就食过呢一间做上海菜嘅万家村。当然时隔咁多年，仍然可以屹立喺深水埗相信有一定实力，感觉装修靓咗，灯火猛咗，至于手势有无好咗今日要食下先知！见到佢其实除咗散叫之外，套餐都好著数，不过今次想试下食多啲上海特色嘅小食，所以就散叫。适逢踏入蟹季，所以都嗌咗一个蟹粉豆腐羹、两笼鲜肉小笼包、一碟锅贴同一碗猪扒拉面。平时去酒楼饮都会有汤羹，一大兜分通常只会食到一两碗，谂住138呢个价钱都唔会俾得多。点知一拎上来时，哗，份量真系多唔系讲笑。本身呢日开OT有少少饿，拣咗呢个羹真系啱哂。每一羹都有豆腐丰富口感，又滑又嫰，再加埋蟹黄蛋黄，间唔中又食到一两条蟹丝，无得弹！最重要食完两碗都唔觉得滞，真系好啱用来开胃，而且仲有剩！可以食完成餐之后再饮，好有住家饭餐前餐后一碗汤嘅感觉。喺店家推介排行榜名列第一嘅小笼包嗌咗两笼，同友人一人五只。小笼包呢样嘢唔单止上海菜，好多其他地方都有得食，但整得好唔好又系另一回事了。食落去有肉汁系基本常识，然之后个皮就当然越薄越好。不过有啲舖头一味追求皮薄，用筷子一夹个包就穿窿漏哂啲汁，咁都系Fail嘅。不过喺呢度就唔使担心，夹上手无穿，食落去肉汁爆出来，
见到佢其实除咗散叫之外，套餐都好著数，不过今次想试下食多啲上海特色嘅小食，所以就散叫。适逢踏入蟹季，所以都嗌咗一个蟹粉豆腐羹、两笼鲜肉小笼包、一碟锅贴同一碗猪扒拉面。
平时去酒楼饮都会有汤羹，一大兜分通常只会食到一两碗，谂住138呢个价钱都唔会俾得多。点知一拎上来时，哗，份量真系多唔系讲笑。本身呢日开OT有少少饿，拣咗呢个羹真系啱哂。每一羹都有豆腐丰富口感，又滑又嫰，再加埋蟹黄蛋黄，间唔中又食到一两条蟹丝，无得弹！最重要食完两碗都唔觉得滞，真系好啱用来开胃，而且仲有剩！可以食完成餐之后再饮，好有住家饭餐前餐后一碗汤嘅感觉。
喺店家推介排行榜名列第一嘅小笼包嗌咗两笼，同友人一人五只。小笼包呢样嘢唔单止上海菜，好多其他地方都有得食，但整得好唔好又系另一回事了。食落去有肉汁系基本常识，然之后个皮就当然越薄越好。不过有啲舖头一味追求皮薄，用筷子一夹个包就穿窿漏哂啲汁，咁都系Fail嘅。不过喺呢度就唔使担心，夹上手无穿，食落去肉汁爆出来，而且都唔会话太热渌亲条脷。食到最后一个时，距离上菜都已经十五至二十分钟，冻咗系必然嘅，但啲汁都无话因为咁而干咗，啫系话由头到尾每一个包都可以做到食落去有肉汁，一个字，好！食小笼包嘅时候仲可以攞一啲豆腐羹嘅蟹肉上去，食落去好有蟹嘅味道，更上一层楼。
锅贴又系上海菜另一款基本菜式，喺呢度排行榜占第四名嘅位置，一样系五只，每一只个底都煎到金黄色，外脆内软，咬落去啖啖肉！面食拣咗猪扒拉面，清淡返啲，佢有唔同嘅汤底选择不过我就拣咗清汤，饮落去唔觉有味精嘅味道，炸猪扒同锅贴一样炸到外脆内软，炸粉薄薄哋一层唔厚，咬落去唔会话食炸粉多过食猪扒，炸得好！
本身无嗌到饮品，不过呢度每个客人都会送杯冻豆浆或者汽水，解渴之余亦都保持口腔清新，俾条脷休息一下再开始过，而且豆浆嘅豆味都好浓，值得我叫多杯饮。
最后嗌高力豆沙做甜品收尾，即叫即做，所以上台嘅时候热辣辣，食嘅时候一定要小心啲，咬落去都好松软而且红豆馅亦都足够，红豆嘅味道唔会话太甜，做饭后甜品一流。
食上海菜其实仲有好多嘢想试，例如酸辣汤、担担面、生煎包，连小笼包都有几款，包括最吸引嘅蟹粉小笼包……而且呢度都有少少捞过界嘅川菜，基本上排行榜单上的十位全部睇落去都好值得去试，所以去一次系唔够喉嘅，因为仲有好多菜式未食过，再次畀理由我之后再食过。
张贴
