影片
更多
2015-11-27
387 浏览
记得焰拉面刚启业，我系隔离排紧寿司，当时谂住迟 d 黎试下，点知迟下迟下竟然迟左几年。几个年头都仲可以系元朗立足，证明焰拉面实力应该有番禁上下，拉面亦从当年五六十蚊碗，升到差不八十蚊。店内感觉整洁，木枱矮椅汽水箱营造出日式味道。另外有好多细节位都包含左日式料理店有既心思。铺头一如传统拉面店奉上冰水，男店员都几细心介绍佢地既 menu 同汤底。听说佢地既猪骨汤熬足廿几个钟，如果女仔食可以选择薄一点既汤底，以免招架不住。今日我无咩胃口试浓稠猪骨汤，不如就试一试个鱼介拉面（鲜焰），而女朋友就叫左野菌松露（山松焰）。留意如果有 facebook like and share 可以有优惠变套餐，大家可以留意下店内宣传。首先上枱既系我碗鲜焰，见到上面禁好樱花虾心谂都几著数。第一件事当然就系要呷一呷个汤头，鱼介汤唔似猪骨汤浓而且霸道，入口香醇又带点鲜，我食到木鱼干香之余连樱花虾既味道都混杂其中，试过几款鱼介汤拉面暂时以鲜焰独领风骚。跟住碗面有一枝鱼介醋可以俾大家加落汤底，味道好似酸瓜水咁，开头谂住怪怪地不过尽管试下，估唔到效果唔错，汤头顿时多左一层鲜而且感觉清新。小弟都中意蒜所以落左一粒，汤味更添
店内感觉整洁，木枱矮椅汽水箱营造出日式味道。另外有好多细节位都包含左日式料理店有既心思。
铺头一如传统拉面店奉上冰水，男店员都几细心介绍佢地既 menu 同汤底。听说佢地既猪骨汤熬足廿几个钟，如果女仔食可以选择薄一点既汤底，以免招架不住。今日我无咩胃口试浓稠猪骨汤，不如就试一试个鱼介拉面（鲜焰），而女朋友就叫左野菌松露（山松焰）。留意如果有 facebook like and share 可以有优惠变套餐，大家可以留意下店内宣传。
首先上枱既系我碗鲜焰，见到上面禁好樱花虾心谂都几著数。第一件事当然就系要呷一呷个汤头，鱼介汤唔似猪骨汤浓而且霸道，入口香醇又带点鲜，我食到木鱼干香之余连樱花虾既味道都混杂其中，试过几款鱼介汤拉面暂时以鲜焰独领风骚。跟住碗面有一枝鱼介醋可以俾大家加落汤底，味道好似酸瓜水咁，开头谂住怪怪地不过尽管试下，估唔到效果唔错，汤头顿时多左一层鲜而且感觉清新。小弟都中意蒜所以落左一粒，汤味更添 power, 微微蒜辛味为碗汤再加左一个层次。
每碗面本身跟左木耳、荀、葱等，唔要的话记住事先扬声。叉烧本身有两块，实在有 d 唔满足，味道唔错又带点肥，可算甘香，如果有厚切就正喇。
拉面属幼身，虽然我叫左要硬身 d，不过影完相饮完汤，突然先醒起我 d 面，当然比预期无禁好咬好。我个人喜爱粗身面条，贪佢夹起黎够豪爽，挂汤能力又强，又估唔到呢度既幼身面都几挂汤。
鲜焰
$78
21 浏览
0 赞好
0 留言
女朋友点既山松焰有超级松露香，黑色果堆系野箘，汤饮到好香松露味道，应该系松露油。呢个猪骨汤要左薄身少少，拿掐得好，易入口而味道保留到一定程度，女士应该几中意。
叉烧转换成猪软骨竟然变左三大旧，松软入味，份量十足。
山松焰配猪软骨
$78
23 浏览
0 赞好
0 留言
一分钱一分货，我相信以焰拉面既质素，要霸占一席位绝非难事，喜爱拉面既朋友不妨一试。
张贴
