醉辣鮮 (天空之城)

营业中

休息中

礼拜六放假入左元朗探朋友，夜晚佢揸车带我黎左呢度食晚饭～我地拣左原只龙虾海鲜餐，包左超多野劲丰富😁一坐低就有老火椰子鸡汤饮，好好饮😋个餐系包波士顿龙虾，可以加一百蚊转澳洲，我地无转到😊龙虾劲大只！肉质鲜甜啖啖肉，尤其系个钳，超正！🤤🤤肉蟹我地拣左乸，超多蟹膏😍 蟹膏系食蟹既精髓😍😍 不得了！头盘虫草花蒸鸡好滑好香酒味😋日本元贝超大只😍蛏子，沙白同花甲都无沙，好鲜味👍不过佢话今日供应商畀唔到生蚝佢所以帮我哋转咗两只虾，对我哋嚟讲仲好，因为我地唔太食蚝🤣海中虾劲大只爽口👍👍鲍鱼洗得干净，非常弹牙🤤我已经等唔切喺食晒海鲜之后先食粥😂不起𠮶阵仲见到好多米粒但系已经好鲜味，加埋粥底既猪骨，南瓜同芋头甜味，超好食！😋😋 食晒海鲜再食粥果阵就变得更加绵滑👏最后劲饱连糖水都食唔落😂真系要新界区先可以揾到个咁阔落咁新鲜即捉即㓥既海鲜火锅！非常值得encore！👏🤗