安娜餐廳

营业中

休息中

元朗人一定都识嘅旧式扒房。甫进餐厅，见座无虚席。有年轻情侣，有一家大细，也有银发老友… 呢间旧式扒房营业多年，依然深受欢迎。餐厅内装潢富年代感，灯光偏黄稍暗；男女侍应服装充一，西装马甲背心。我同我老公分别叫咗，牛柳餐同西冷牛扒餐一齐食，拣选咗黑椒汁。餐汤一致拣咗罗宋汤，汤料足，够味！估唔到连餐汤都有嚿大大块牛肉，个汤嘅底味几重牛肉香 食完个汤唔口干，应该无乜落到味精。牛柳接近全熟，大小和厚度与西冷相比，较为细块同薄，肉质松软，我几中意个黑椒汁偏辣。西冷有筋比较难切。但做到七成熟呢个位值得一赞。地方空间颇窄，切牛扒要就住就住手踭打交。整体来讲，都几OK! 老公话耐唔耐嚟食一次都唔错。顺带一提，只收现金，记得去食之前㩒定钱喺银包。