逸之燒 (已結業)

牛小扒寿喜烧佢面头上有6块牛左右，另外有金菇同娃娃菜。而寿喜烧汤底，咸甜适中。另外加咗个稻庭乌冬，成个好似求签筒咁，好特别。牛小扒份量就唔系太多，但系味道都唔错。鳕鱼片新鲜烧出嚟好脆，鳕鱼味都好浓夹埋美乃滋酱，十分香口，令到我系咁食，食唔停口！鹅肝寿司鹅肝寿司佢几大件，剩返鹅肝都差啲跌出黎。鹅肝食入口油脂感好饱满，成口都有好满足既感觉，真系值得一试！烧物今次都叫咗大量烧物，有安格斯牛葱卷，鳗鱼，鸡翼，鸡软骨同牛舌。佢烧物既水准几好，另外有黑椒猪颈肉，佢猪颈肉又厚又弹牙，都果算系厨师推介一种。环境最后佢环境清幽，入边装修都好日式，亦都有唔同嘅清酒可以饮。今日我哋坐卡位，下次可以试吓坐吧枱，我谂会有别有一番风味。