西宮 (已結業)

身为团购迷嘅我见到有蚝食，仲要由6:00食到10:00长达四个钟，价钱加埋服务费只不过$231，我又点会执输。虽然元朗对我嚟讲真系好远，虽然食物无特别令人惊喜，但系款式唔少，二百几嘅放题价，真系一试无。餐厅设计普通简单，而且被安排喺一个角嘅位😮。生蚝唔系即开，但系Refill得好快，大大只，味道有啲淡。刺身种类算多，有头甜虾，三文鱼，鲷鱼，吞拿鱼，八爪鱼，希灵鱼，刺身新鲜又够厚。海鲜吧嘅青口，东风螺，蚬都可以，不过不失。各类热盘，焗蚝好味，猪颈肉都唔错，大大件。日式拉面麻麻。甜品种类唔太多，焦糖炖蛋好味。