影片
更多
2024-12-29
0 浏览
公车泰国餐厅 Kung Che Thai Restaurant 📍元朗西菁街2号兴旺楼地下2-3号舖又同中学同学见面啦，今次约返喺近大家屋企附近嘅元朗见面，发现好多以前食开嘅餐厅、聚脚点都已经结业，证明市道真系几差。喺呢个时势，周末食个lunch都可以$60有找，仲包指定特饮同免加一，真系算好有良心。我讲紧嘅系公车泰国餐厅，行过见到午市价钱便宜，环境阔落又企理，所以无需考虑太多就决定入座。 💰$58香叶辣椒肉碎饭 🧆爱饭嘅我多数都会叫好下饭嘅客饭，而食泰国嘢就多数都走唔甩，一定系叫返个香叶辣椒肉碎饭。我钟意佢哋加入豆角去炒，令口感更好，营养更均匀。肉碎无太多肥肉，有肉汁，微辣口味更开胃，配埋煎蛋，还原泰式风味。 💰$58金边粉 🍝朋友就叫咗个泰式即炒金边粉，橙橙红红嘅颜色特别醒胃，令人食欲大增！主要配料都系一般嘅鸡肉、鸡蛋、豆干等，金边粉口感唔会过腍，咬落仍有咬口，混入粗粉花生一齐食，层次更丰富！炒金边粉集咸、甜、酸、鲜于一身，味道正宗，好抵食！ 💰$398泰式咖喱软壳蟹 🦀见食物有水准，我哋决定喺主餐牌叫一款人气菜式多多支持店家。一锅上嘅泰式咖喱软壳蟹超高性价比，内有4只半软壳蟹，每
📍元朗西菁街2号兴旺楼地下2-3号舖
又同中学同学见面啦，今次约返喺近大家屋企附近嘅元朗见面，发现好多以前食开嘅餐厅、聚脚点都已经结业，证明市道真系几差。喺呢个时势，周末食个lunch都可以$60有找，仲包指定特饮同免加一，真系算好有良心。
我讲紧嘅系公车泰国餐厅，行过见到午市价钱便宜，环境阔落又企理，所以无需考虑太多就决定入座。
[价钱 Price]
💰$58
香叶辣椒肉碎饭 🧆
爱饭嘅我多数都会叫好下饭嘅客饭，而食泰国嘢就多数都走唔甩，一定系叫返个香叶辣椒肉碎饭。我钟意佢哋加入豆角去炒，令口感更好，营养更均匀。肉碎无太多肥肉，有肉汁，微辣口味更开胃，配埋煎蛋，还原泰式风味。
[价钱 Price]
💰$58
金边粉 🍝
朋友就叫咗个泰式即炒金边粉，橙橙红红嘅颜色特别醒胃，令人食欲大增！主要配料都系一般嘅鸡肉、鸡蛋、豆干等，金边粉口感唔会过腍，咬落仍有咬口，混入粗粉花生一齐食，层次更丰富！炒金边粉集咸、甜、酸、鲜于一身，味道正宗，好抵食！
[价钱 Price]
💰$398
泰式咖喱软壳蟹 🦀
见食物有水准，我哋决定喺主餐牌叫一款人气菜式多多支持店家。一锅上嘅泰式咖喱软壳蟹超高性价比，内有4只半软壳蟹，每半件都大过我手掌，只只都厚肉多膏，蟹脚亦炸得酥脆，真系无得输！
咖喱一啲都唔马虎，落足材料炮制，仲有不少蔬菜搭配，个肚有位实叫多份蒜蓉包或者酥饼点咖喱食！
温馨提示，佢嘅份量真系劲巨型，建议有三至四个人先好叫嚟食！
张贴
