影片
更多
2021-04-17
152 浏览
今晚去左元朗逸之烧食晚餐，就喺元朗鸡地，yoho行过黎5分钟就到。餐厅店外店内装潢都充满日本居酒屋风情，元朗巿区少见咁有日本感觉的餐厅，最喜欢餐厅入面嘅天花采用木条作横梁，浓浓日本味道带有自然又温暖的感觉，勾起去日本旅行的回忆🌅食物款式有好多唔同种类嘅选择，刺身、串烧、炭炉烧、一品料理、寿喜烧、饭团、面食，另外仲有便当同春祭推介。既然系推介当然试下，叫左个银鳕鱼西京烧同香葱吞拿鱼腩蓉手卷。老公本身好喜欢食日本居酒屋先会食到嘅食物，所以佢对于呢个日本料理里面嘅经典菜式～鳕鱼西京烧～好有兴趣，烧鱼表面烧至金黄色，白味噌味道温和，带d甜味，好适合配海鲜，加入清酒同味醂调味，非常入味，沙律是可以不用的。香葱吞拿鱼腩蓉手卷，满满嘅吞拿鱼蓉幼细香滑，软绵绵嘅口感加上碎吞拿鱼嘅脂香，一口一啖，猪觉得唔洗要咁多葱。三文鱼刺身，色泽鲜明呈橙红色，每件厚身肥美，脂肪纹分布鲜明，纹理清晰，而且肉质坚挺，非常新鲜。烧三文鱼头系我地嘅最爱，非常多肉，而且鱼头嘅胶原都好多，所以入口非常嫩滑，鱼味香浓，带有轻微盐烧嘅咸味，一d腥嘅味道都冇。炸软壳蟹嘅份量颇足，炸得干身，咬落香脆唔油腻，都唔错！上枱时几靓仔，砌返个蟹
食物款式有好多唔同种类嘅选择，刺身、串烧、炭炉烧、一品料理、寿喜烧、饭团、面食，另外仲有便当同春祭推介。
既然系推介当然试下，叫左个银鳕鱼西京烧同香葱吞拿鱼腩蓉手卷。老公本身好喜欢食日本居酒屋先会食到嘅食物，所以佢对于呢个日本料理里面嘅经典菜式～鳕鱼西京烧～好有兴趣，烧鱼表面烧至金黄色，白味噌味道温和，带d甜味，好适合配海鲜，加入清酒同味醂调味，非常入味，沙律是可以不用的。
香葱吞拿鱼腩蓉手卷，满满嘅吞拿鱼蓉幼细香滑，软绵绵嘅口感加上碎吞拿鱼嘅脂香，一口一啖，猪觉得唔洗要咁多葱。
三文鱼刺身，色泽鲜明呈橙红色，每件厚身肥美，脂肪纹分布鲜明，纹理清晰，而且肉质坚挺，非常新鲜。
烧三文鱼头系我地嘅最爱，非常多肉，而且鱼头嘅胶原都好多，所以入口非常嫩滑，鱼味香浓，带有轻微盐烧嘅咸味，一d腥嘅味道都冇。
炸软壳蟹嘅份量颇足，炸得干身，咬落香脆唔油腻，都唔错！上枱时几靓仔，砌返个蟹形，但猪影得唔好，影唔出个蟹形出黎。
安格斯牛小排寿喜烧，咸咸甜甜嘅酱汁系猪的最爱，咸甜味比例均匀，再加上新鲜嘅牛肉，大白菜，豆腐，菇类等，材料丰富。牛小排色泽鲜艳，放落去涮5-6秒即可，好香牛嘅肉味，入口亦唔太肥。
盐烧五花串，烧香后脂肪溶化油香扑鼻，会更加外脆内软，五花肉多汁且富Q度，不过比起安格斯牛肉粒，惊艳感稍嫌不足。
盐烧安格斯牛肉粒，牛肉粒肉质上乘，轻轻放d盐落去除左调味，更加可以突出牛肉味。火喉控制得宜，咬落去软熟嫰口又多汁唔韧。
整体黎讲环境，食物，服务都好好，系猪几喜欢嘅餐厅
张贴
