Chef's Stage Cafe (已搬遷) 新店位置

俾老婆话我无口齿，四年嚟一直无上载食评，咁今次新婚后写下食评啦^^今次嚟到呢间喺元朗新开嘅餐厅，朋友食过话正所以去试下。坐低不久便来一蓝面包，睇落同出面餐厅无乜分别，但一点个酱汁就觉得好特别，我从未试过食面包点哂啲酱，问啲职员先知只酱原来系「自家制」，正！之后嚟碗汤系磨菇汤，一睇又系啲我唔好嘅搅拌机做嘅汤，但食落个味好浓好香，有啲似上次喺诺仕佛台饮嘅，好creamy，like!!嚟到主菜我最爱嘅Carbonara长通粉，呢个配搭好match，长通粉里面载住啲汁，咬落去啱啱好，唔会太多又唔会太少，加埋店长亲手帮我哋加刨芝士，再like!!!跟住试咗我同老婆马尔代夫honeymoon时食嘅意大利饭 Risotto，我可以肯定呢间chefs stage 整得好好多，啲汁收得啱啱好唔干又唔会湿滴滴，个饭又够软身，再一次like!!!再嚟呢个系店长推介: 外脆内软嘅牛扒，但我感觉一般，可能我哋之前又饭又意粉已经食得太多嘢，又俾人话眼濶肚窄=.=|||最后老婆话要试埋Tiramisu，仍有进步空间。。。埋单时用咗朋友俾我嘅9折咭，好抵呀！下次再入嚟元朗一定会试多次，希望到时有多啲「自家制」嘅产品！