影片
更多
2021-11-09
1365 浏览
之前元朗经过已经留意到呢一间新开嘅cafe，门口喺好复古嘅绿色装修，经过都见到唔少人系度边排队边打卡。今个星期日终于的起心肝去 Try try。 原来呢间cafe 下午茶时段主打英式下午茶二人餐, 仲要限量供应，好多人未够3点已经喺出边门口排队。好彩有book枱，一够3点侍应就已经安排book枱既客人入座。 入到去入面装修都好靓，空间感好强，即使有好几盏吊灯都好都唔会有压迫感，而且墙边仲有好多好靓既装饰，无论坐边都好，每一个角落都好适合影相。除此之外，座位都好阔落，好舒适，好适合同朋友一齐嚟食野倾下计，影下相，悠悠闲闲过一个下午。 坐低睇个menu,除左有佢个signature ge high tea set 之外，原来仲有好多其他选择，好似特式热狗呀，意粉咁，啱哂唔同胃口嘅客人，而我同朋友就俾佢另外一个限量嘅Me Time Set吸引，忍唔住叫埋佢。 *英式二人下午茶☕️ $208*下午茶餐好有惊喜，个set会有一壶花茶, 原本以为只是普通嘅一壶茶咁上，但系呢一间餐厅就用左一个好靓好fancy嘅雀笼茶架，d用既杯碟同都系match返张餐枱都系嘅云石纹，个茶壶仲要系透明，可以睇到入边既
入到去入面装修都好靓，空间感好强，即使有好几盏吊灯都好都唔会有压迫感，而且墙边仲有好多好靓既装饰，无论坐边都好，每一个角落都好适合影相。除此之外，座位都好阔落，好舒适，好适合同朋友一齐嚟食野倾下计，影下相，悠悠闲闲过一个下午。
坐低睇个menu,除左有佢个signature ge high tea set 之外，原来仲有好多其他选择，好似特式热狗呀，意粉咁，啱哂唔同胃口嘅客人，而我同朋友就俾佢另外一个限量嘅Me Time Set吸引，忍唔住叫埋佢。
*英式二人下午茶☕️ $208*
下午茶餐好有惊喜，个set会有一壶花茶, 原本以为只是普通嘅一壶茶咁上，但系呢一间餐厅就用左一个好靓好fancy嘅雀笼茶架，d用既杯碟同都系match返张餐枱都系嘅云石纹，个茶壶仲要系透明，可以睇到入边既花茶好足料，有满满嘅花粒，而且由上枱开始就已经用蜡烛warm 住个壶，唔怕因为倾计耐左，杯茶摊到冻哂，系一个非常贴心嘅设计。
上完壶茶未影完相，野食就已经到左，系个standard 嘅三层tea set, 有四款咸点五款甜点
甜品方面不过不失啦，系唔同口味嘅 cake ,胜在每款细细，一啖入口，啱哂想试唔同味但系又怕食唔哂嘅朋友。
至于下午咸点方面，水准唔错，尤其是系个鸡翼薯条，个鸡翼系有少少麻辣味，但系又未至于非常辣啦，炸得又好脆好香口，仲要起咗啲骨，食起上黎好方便，啲薯条系比较粗身，同样都系即炸，食落外脆内软，食完超想encore 呀！
*Me Time Set $52*
呢个set会有一件蛋糕连埋一杯signature drink。蛋糕方面每日都有3至4款唔同嘅选择，而每款都系限量供应，而饮品可以系signature coffee 或者系佢signature drink.
今次我地就拣左个*伯爵茶芝士蛋糕*配个signature drink *火烧云霞*，听个名唔知咩呢，但系其实menu 都有写到其实系火龙果特饮。
味道方面，蛋糕外表就好平实，但食落好重芝士味，绝对感受到冇偷工减料，个饼底都有阵淡淡伯爵茶香，配搭上嚟中和左芝士浓味，食落无咁溜，值得一试。
杯野饮就好靓呀，有渐变色，仲有果肉，未饮斋睇心情都靓呀，饮落唔太甜，好refreshing。
总括来讲，呢间cafe 水准唔错，性价比非常高。如果系喺元朗行完街，好推介过去坐低吹下水，过返个写意嘅下午。
张贴
