Gathering (已結業)

今日同朋友去呢间喺元朗剧院附近嘅西餐厅，唔系上网search过都唔知原来呢个位有餐厅！虽然门面睇落有啲细，但入到去坐得都几舒服。.叫个Main加28蚊可以有个紫薯红菜头忌廉汤紫薯味感觉有啲似甜品，不过饮落都几特别同埋影么，OK啦！.肉眼我哋就嗌咗美国安格斯肉眼扒配香草烧新薯个肉眼扒应该冇乜调味，只系落咗啲盐吊味，但好香肉味，证明好新鲜。我哋叫咗5成熟，切开见到佢入面系微微嘅粉红色，师傅控制火喉得唔错！.另外我哋亦嗌轻煎北海道带子墨鱼汁意大利饭个带子都几香口嘅，不过个意大利饭入面就有啲青瓜粒粒喺入面，未必个个钟意。.小食我哋嗌咗法式鹅肝伴焦糖苹果同埋啤酒脆浆炸日本广岛蚝。鹅肝够厚，油脂味亦都好足。系略嫌块苹果有啲太细块，解腻效果稍逊。只蚝好大只，食落原汁原味非常唔错。不过啤酒味就唔系好食到喇。.最后不得不赞吓佢哋嘅服务态度，真系几细心嘅。.我哋叫咗个薄荷茶，差唔多饮晒嘅时候佢哋都好主动问使唔使加热水，服务唔错。