爺爺雞煲皇 (已結業)

元朗不嬲出名多野食 虽然我住柴湾 但系都要入去觅下食 成堆frd一齐食 唔系放题 就韩烧 唔系打边炉 就鸡煲 结果我地就揾左间可以满足我地几个愿望既鸡煲 呢间鸡煲其实之前都听人介绍过 不过一直都冇的起心肝去试 今次又多人 所以一入去就即刻揾呢间野 而且我地成堆人都几路痴 不过好彩呢间野都唔系好难揾 跟住google map好快就可以揾到 虽然都几多人 不过等左唔系好耐就有位喇 入到去 可能太多人既关系 都冇乜人理你 坐左一阵 终于见到我地既存在喇 之后个鸡煲来左 啲鸡既份量都几足 唔会话太细只 而啲鸡都几入味 之前食过有啲就咁揾水sap熟左就算 得啲汤底浸过既地方先有味 又hea又求其 好彩啲鸡都冇令我地失望食完啲鸡就开始打边炉 啲野食既种类 唔算太多 不过都叫够食 唔会得两三款咁少 啲野食都会跟足你叫既比你 唔会混水摸鱼 啲调味都冇偷工减料 其实成餐饭都食得几满足几满意 虽然啲侍应唔系好理你 但系服务态度都唔系差 可以只系唔系好够人用 可以理解既 间野既卫生都唔系太差 唔太乌糟 如果乌糟既话都做坐到咁耐 吹唔到咁耐水 如果要Reu 或者聚下旧 呢间鸡煲都系唔错既选择 如果谂唔到食乜