赤葉日本料理 (已結業)

元朗不乏平靓正嘅日式料理，今次帮衬嘅呢间日式料理性价比十分高，位于永年车仔面旁边。芒果飞鱼籽沙律$42系由细食到大嘅味道，芒果有4大片够晒甜，蟹棒丝同飞鱼籽分量都唔少，同青瓜丝及沙律酱捞埋一齐十分开胃。赤。刺身拼盘$148分别为三文鱼、油甘鱼、甘虾、北寄贝及日本甲纹鱿鱼，几款刺身都好鲜无雪味，个人最爱油甘鱼，厚切得黎肥美。手握寿司-蟹棒$6/件 自家制玉子 $8件 炙烧左口鱼 $12/件 鲜拖罗蓉军舰$14/件佢地嘅手握寿司都好有惊喜，首先寿司饭系调教过嘅醋饭，饭粒份量同酸度都适中，亦不会一夹就散，自家制玉子中间系流心状态，香甜之余亦食到creamy口感，左口鱼油香丰腴，价钱亦十分亲民。芝士牛油果软壳蟹卷$38饭粒依然用上醋饭，面层芝士轻轻炙过带点焦香，软壳蟹配上牛油果做馅料亦颇为清新。