王子私房菜

营业中

休息中

平日放工过黎呢度食饭，比较少人，环境安静，位置摆放得好松动，坐得舒服。 每次黎食晚饭都有一位侍应专门负责介绍菜色。今晚谂紧要点一条鱼，见到餐牌有好多唔同做法同埋唔同嘅鱼嘅种类，简单问问侍应哥哥当中既分别，佢都可以好细心咁先了解客人本身口味，再详细介绍每道菜既特色，同埋适合既份量。呢一点系元朗区中菜馆比较少见的。讲到菜色，最欣赏既系鱼同埋个汤。两个前菜正常味道，符合预期。蒸鱼有好多选择，今次选左最经济嘅沙巴龙趸，时价300几蚊。为左更入味，厨师将鱼去骨切块再蒸，每一块都渗入左椒粒既味道，层次丰富。个煲仔菜比较有镬气，捞饭都几好味。汤系用金华火腿熬制，汤料有白菜胆、天白菇同竹笙，唔油腻但味道十分浓郁。最后甜品系送既。