緣聚西日餐廳 (西裕街) (已結業)

今日去开元朗探亲戚，当然顺便会揾野食下，行到西裕街，见到有间「缘聚西日放题」，又谂唔到食乜好，一于去试下。坐低左就开始点嘢食啦,呢度点餐先用电话scan个QR code，再系网站入面落单，好方便。点完，就去出面既Salas bar拎嘢食同饮品。呢度唔算好大，但食物种类都唔小。沙律材料都好新鲜。饮品方面都有好多款式选择。拎完返去，食物就逐一送到。先黎刺身，叫左带子，虾，象拔蚌等等，每一样都够新鲜，特别系象拔蚌，入口爽甜，有惊喜。热食方面，烧物天妇罗等等唔小得，每一款食物嘅味道都唔错，特别牛扒同羊架整得好靓，肉质意想不到地嫩口，烧蚝同秋刀鱼都好新鲜，值得一赞。食饱当然试埋甜品，呢度甜品款式好多，每款都好好食。估唔到有间咁惊喜既餐厅，下次嚟元朗食嘢又多一个选择。