名川麵棧 (已結業)

点左两款「自选两𩠌汤面」，分别系「花胶仔秘制日式猪软骨紫菜浓骨汤日本手打乌冬」同埋「菜肉饺子炸鸡翼酸辣汤米线」。呢度嘅「自选两𩠌汤面」𩠌款式选择多，有超过60款𩠌拣！实有款啱你！「花胶仔秘制日式猪软骨紫菜浓骨汤日本手打乌冬」估唔到有花胶食啊！虽然个名叫花胶「仔」，但系超大块，😍女士必吃！秘制日式猪软骨同样大块，煮得够腍又入味，最特别系有少少肥膏，口感丰富～紫菜大大块，好香。乌冬口感烟韧滑溜。「菜肉饺子炸鸡翼酸辣汤米线」唔知点解硬系觉得米线要辣辣地先好食，于是嗌左酸辣汤，唔会太辣，酸酸辣辣好开胃，口水都流埋～🤤 配菜都好好味。配菜有甜酸菜、木耳丝同肉碎。芽菜、甜酸菜同木耳爽脆，搭配相对较腍身嘅米线同吃，口感独特。菜肉饺子皮好滑又薄。炸鸡翼炸粉唔会太厚，食落酥脆香口。米线唔会太腍，啱啱好。呢度d特饮都几吸引。我同朋友都各自加左$8转特饮。我地想饮红豆冰，见另外有红豆凉粉奶茶，但我地又唔钟意饮奶茶，问下侍应可否转做红豆凉粉冰，侍应好好人帮我地转左！太好人啦！👍🏻红豆凉粉冰份量超足，多到就满泻！凉粉细细粒好cute。