土耳其小城 (萬昌樓) (已結業)

今日同闺蜜去元朗睇戏，出黎已经肚饿，就谂住揾一间餐厅，行行下俾呢间土耳其餐厅嘅招牌吸引左～首先行入餐厅，干净嘅台凳同富有特色嘅墙面形成视觉上嘅对比，令人印象好深刻！菜单都非常有土耳其特色，见到就彷佛自己都置身于土耳其咁。咖喱克勒鸡肉炒饭$78份量唔少，鸡肉好大粒，米饭炒得好香同埋系长身，加上特质酱料，令我地都欲罢不能。蒜油烤饼 $28浓郁嘅蒜味一瞬间就喺口中弥漫，香脆嘅饼身令我同朋友都忍唔住想再嗌，如果多人真系嗌多三五份都得。陆洲沙律(三角豆蓉) $52豆蓉质感篇干身，唔会好杰，而口感亦都非常浓郁顺滑，非常适合初尝试土耳其菜嘅我地。