M Zone 親和藝術 (已結業)

餐廳結合咗cafe同酒吧，係由一家人一齊經營，餐牌有介紹到佢地成立嘅理念係分享愛❤️，而牆上嘅霓虹燈飾都有配合到呢個主題，令人感受到好有愛嘅氣氛🥰Menu以酒吧餐廳嚟講都幾多選擇芝士手打牛肉漢堡($138)配料包括蕃茄、洋蔥圈同生菜，層次分明，芝麻麵包烘得啱啱好，外脆內軟，手打牛肉肉質結實唔易散，薯條係粗薯條，份量都幾多下，仲有分原味同辣味香煎帶子黑松露飯($118)意大利飯外軟內韌，濕潤又有咬口，醬汁creamy 但唔會好膩，黑松露味仲好香，帶子外層煎得金黃香脆，內裡鮮甜軟嫩北海道雙重芝士蛋糕($48)質感細滑輕盈，味道清新，芝士味唔會太重，食落完全冇膩嘅感覺