閨•家 (寶榮大廈) (已結業)

六点后做外卖自取。难得系公司附近揾到间几有住家feel既餐厅。香煎莲藕饼猪扒饭跟餐加$6有溏心蛋，另加$12有菜心或者生菜选择，份量都几多。非常推荐叫莲藕饼，送饭一流，猪扒好大块，咬落一啲都唔韧。青榄青萝卜杏汁煲猪展跟餐仲会有埋细碗既老火汤，用料十足，每日既精选老火汤都唔一样，值得一试。手拍青瓜少少辣够哂惹味，青瓜咬落好爽口。凉拌海蜇手撕鸡手撕鸡好滑溜，配埋凉拌海蜇，口感十足。冻朱古力味道好浓郁又唔会太甜。