牛之館 (已結業)

今日朋友生日同个朋友嚟咗旺角文华商场嘅牛之馆庆祝生日。120分钟火锅放题有分四级：精选、特选、特优同极上，价钱系$218-428。仲有成八款汤底任君选择，分别有麻辣、百香里完熟茄、特浓沙嗲、椰子泉水鸡、柚子鲣鱼、昆布、寿喜烧、养生药膳。坐低趁未有嘢食梗系去咗攞嘢饮先，咁个雪柜都有基本平时放题嘅嘢饮，但系呢度比出边花种就系台式饮品，我依啲最钟意饮奶盖，梗系不断咁无限添饮。出边个雪柜有超过60款嘅嘢食可以选择，咁当然肉类𠮶啲仲可以喺个Apps度嗌啦，但系肚饿𠮶阵时仲有几款嘅熟食我要食住先。拎完熟食返去啲肉类已经送到埋嚟，啲肉睇落去都好新鲜唔会黑蚊蚊变晒色，值得一赞嘅系樱花虾滑，弹牙不特止仲好香樱花虾味。环境方便地方阔落枱面地下都好干净，油立立好冼，仲要有粉红色做主色岩哂女仔黎。