動漫樂園及主題餐廳 (已易手) 新餐厅

今晚放工带表弟仔去Megabox又玩、又食既动漫乐园餐厅, 其实上年已经黎过, 中意呢度可以一边比小朋友玩, 另一边大人可以去食野relax一下。一去到门口, 表弟仔已经兴奋到弹起, 入面有唔少大人小朋友都岩玩既游玩设施,再入就系一间小小既CAFE, 食西式野为主~一睇menu, 原来menu跟上年已经有所不同, 上年既龙虾餐已经转成平时系cafe食到既意粉/饭类, 价钱亦比之前平左少少。表弟仔比较食得, 所以唔拣儿童餐比佢, 跟我食返dinner set...【美式什扒配饭】HK$88 (跟汽水/咖啡/茶)牛扒、鸡扒、猪扒、烟肉、脆皮肠, 淋上洋葱汁, 最中意件鸡扒, 鸡皮煎得仲系脆脆地...不过d饭有d干~早知转薯菜!【卡邦尼烟肉扁意粉】HK$72 (跟汽水/咖啡/茶)意粉比饭好得多, 有些少口感, 唔会太林, 卡邦尼汁份量刚刚好, 食落唔太腻, 有些少烟肉碎同埋蘑菇碎, 整个意粉食落几Creamy...小朋友都几中意食~虽然野食款式唔多, 但对于主题餐厅黎讲, D野唔难食已经算系有惊喜。