影片
更多
2021-03-31
2663 浏览
以前返学𠮶时间中都会经过见到呢间小店，都会见到店舖𠮶个充满蒸气嘅炉，印象中只食过一次烧卖，觉得烧卖普通所以无特登行去呢度再食，因为佢个位置非常唔起眼，喺湾仔铜锣湾中间嘅马师道，但如果系住湾仔铜锣湾、或者喺附近返工嘅人，应该会知道依间小食店。呢间强记美食系一间历史悠久嘅小食店，由1950年开业至今，以前系鹅颈桥做车仔档卖牛杂牛杂粥做到呢家呢个铺位，到呢家已经有71年歴史，再加上佢系2016至2019年米芝莲推介嘅小食，所以系一间人气嘅港式小食店。小店主打糯米饭，而且一年四季都有，以前车仔档系未有糯米饭，直至1970年益新饭店既大厨教店主既老豆煮糯米饭，除咗糯米饭仲有其他小食同甜品，甜品都系1970年先开始有，因为店主爸爸识左澳门过黎既女士，女士教佢爸爸卖喳咋。之后店铺就净系专心整呢几样野食，贵精不贵多，店主每日六点起身，用三个钟煲糖水同糯米饭，只卖几样野食已经深得街坊欢心，即使每日收铺已经12点，每日只系训3-4个钟，店主都系觉得值得，因为食客系有要求而黎，个个系为食有水准既野食而慕名而黎，远至元朗流浮山、澳门、甚至新加坡、印尼、马来西亚都有，为既系保持水准，见到食客食到个碗干干净净。从
以前返学𠮶时间中都会经过见到呢间小店，都会见到店舖𠮶个充满蒸气嘅炉，印象中只食过一次烧卖，觉得烧卖普通所以无特登行去呢度再食，因为佢个位置非常唔起眼，喺湾仔铜锣湾中间嘅马师道，但如果系住湾仔铜锣湾、或者喺附近返工嘅人，应该会知道依间小食店。
呢间强记美食系一间历史悠久嘅小食店，由1950年开业至今，以前系鹅颈桥做车仔档卖牛杂牛杂粥做到呢家呢个铺位，到呢家已经有71年歴史，再加上佢系2016至2019年米芝莲推介嘅小食，所以系一间人气嘅港式小食店。
什锦腊味糯米饭
$39
84 浏览
1 赞好
0 留言
小店主打糯米饭，而且一年四季都有，以前车仔档系未有糯米饭，直至1970年益新饭店既大厨教店主既老豆煮糯米饭，除咗糯米饭仲有其他小食同甜品，甜品都系1970年先开始有，因为店主爸爸识左澳门过黎既女士，女士教佢爸爸卖喳咋。
之后店铺就净系专心整呢几样野食，贵精不贵多，店主每日六点起身，用三个钟煲糖水同糯米饭，只卖几样野食已经深得街坊欢心，即使每日收铺已经12点，每日只系训3-4个钟，店主都系觉得值得，因为食客系有要求而黎，个个系为食有水准既野食而慕名而黎，远至元朗流浮山、澳门、甚至新加坡、印尼、马来西亚都有，为既系保持水准，见到食客食到个碗干干净净。
从外表上睇依间小食店只做外卖，因为经过只会见到车仔系个铺前，会特登保留车仔系因为佢地系车仔出身，但见到侧边嘅入口就可以睇到入边有四至五张圆枱，可以比食客堂食。
-
1️⃣ 什锦腊味糯米饭💰39（👅: 9/10）
加腊肠💰10
什锦腊味糯米饭
$39
172 浏览
2 赞好
0 留言
糯米饭系店舖其中一个招牌，老细整糯米饭既方法都系深得爸爸真传，但自己系浸米、选米方面有自己方法，新米同旧米会有唔同浸法，热天浸既水暖D，浸出黎既米会腍D，反而冬天用冻水，浸出黎既米会硬D。选米方面糯米饭都系用泰国米，一年四季都卖糯米饭，但冬天会比夏天卖多D。
上枱发觉只系一个碗仔大细既糯米饭，但食落唔系大食既人其实都会饱饱地，因为糯米饭比起一般饭更易饱腹。
糯米饭入边嘅腊味份量算多，有虾米、腊肠、腊肉、润肠、冬菇。
上枱已经见到出晒烟，因为佢系充满蒸气嘅炉入面出来，街头小食最紧要热辣辣，糯米饭闻落好香，食落每粒饭都系粒粒分明，饭唔会话太油腻，亦都唔会太腍，佢依种糯米饭嘅口感系我食过觉得最好食，软韧程度适中。至于佢嘅豉油都唔会太咸，又唔会太甜，调味系平衡得非常之好，腊味腊肉本身嘅油已经渗到去糯米饭入边，所以食落特别入味特别好食。
除咗饭系用泰国米之外，其他用料好讲究，腊味都系用本港既腊肠，无论腊肠、虾米、冬菇都系要用一级，店主强调无好既材料煮唔到靓既野食，腊味同冬菇都系非常入味，腊肠香气够口感Q弹，而润肠有小小酒味，每食一啖都系满足感，尤其系冻冰冰嘅冬天嚟食更加之满足。
话佢系香港最好食既糯米饭都唔夸张，因为实在谂唔到第二间可以令我印象深刻，想食𠮶时就即刻谂起嘅糯米饭。
-
2️⃣ 香煎虾米肠粉💰22（👅: 8.5/10）
香煎虾米肠粉
$22
54 浏览
1 赞好
0 留言
煎肠粉虽然唔系推介，因为无叫猪骨粥所以就叫左个钟意食既小食。
肠粉食落外脆内软，外表煎到好有油香，有小小焦，食落非常之香口但唔会过于油腻，镬气十足，肠粉入面有葱同虾米，软绵脆口，再加上甜酱、辣酱、芝麻，已经系发挥得好好既混酱煎肠粉。
-
3️⃣ 马来甜品喳咋💰28（👅: 8.5/10）
马来甜品喳咋
$28
61 浏览
1 赞好
0 留言
喳咋都系店铺既招牌，传统既喳咋已经卖小见小，呢度几十年都系用同一个方法去煲，每次煲个几钟，食一羹就知道系撚手小菜。喳咋煲到起沙，呢样好多铺头都做唔到，入面有芋头，食落系超级腍超级粉，入口即融，好似食紧雪糕咁。糖水饮落香甜，啖啖都系豆味，因为红豆已煮到熟烂，而且加左椰丝，味道爽口且多层次，但唔会觉得过甜。质地系浓稠，啖啖都系丰富既材料，唔系交功课净系得水。
马来甜品喳咋
$28
58 浏览
1 赞好
0 留言
-
4️⃣ 鱼蛋猪皮萝卜烧卖💰40（👅: 7/10）
鱼蛋猪皮萝卜烧卖
$40
111 浏览
1 赞好
0 留言
因为叫三样野两个人食怕唔够饱，所以叫左呢个小食，本身唔系呢度招牌。全部其实系可以分开叫，鱼蛋、猪皮、萝卜、烧卖每样十蚊。
呢4款小食都系用咖哩汁，有小小南乳香，食落系入味，特别系萝卜同猪皮，鱼蛋烧卖就相对无咁入味，猪皮够软身，萝卜清甜食落无根，但本身味道同口感都系相对其他小食系比较逊色。
-
🌟招牌仲有花生旺菜猪骨粥，但我同朋友都冇特别钟意食猪骨粥所以无叫到。食物黎讲系水准之上，因为我住港岛，所以应该系附近都会间中黎食下，尤其系冬天，因为佢店内算系半室外，所以夏天食会唔会好热就未知。
至于份量方面，如果系小食既人，其实一碗糯米饭应该都够饱，大食既人可能要糯米饭加肠粉或者喳咋，食完觉得糯米饭、肠粉、喳咋都系比较推介。但肠粉好多地方都出色，所以如果唔系住附近既人，如果你好钟意食糯米饭或者喳咋，可以黎试一下呢间71年既味道，等呢个香港历史味道可以留落黎。
-
👅味道: 9/10
🍴环境: 6/10
💰消费: 139/2人 (服务费: NA)
张贴
