茹絲葵牛排餐廳

见唔系好多人食过佢既酿全鸡，真系好想写返篇推介下佢既鸡！因为真系可以比美同食牛一样既享受！不过今餐食得太开心，完全唔记得影食物相....已经唔系第一次食哩间，之前同朋友一齐食都非常满意！今次仲多左啲惊喜！首先我地叫既系1份牛排餐加酿全鸡，佢见我地两个女仔，上餐汤时已经帮我地分好左两碟，我地仲谂紧，会唔会系误会左我地叫两个餐，原来系佢自发帮我地分左唔使自己问佢拎碟仔毕来毕去。再黎就上主菜了，鸡同牛都系帮我地分埋！个牛仲要分落两只已经有哂dressing 又焗到热既碟上，个牛系我食过洲际，age 等等入面数一数二的！牛味极浓，加上牛油同少量海盐，真系至高享受！跟住就到今次想讲既酿全鸡！只鸡入面酿左啲好似系芝士加香草加蒜既蓉，一切落只鸡度，啲落就会好似流心包咁流出黎，个蓉同鸡肉一齐食落口！真系超夹！鸡皮上有黑椒同少量蜜糖味，焗到好脆，鸡肉又嫩，加上个芝士蓉带起哂个鸡既鸡味，真系不同口感中带著浓厚的鲜味！估唔到鸡都可以咁好食！食到一半，个经理仲行埋黎问我地食物如何系咪岩口味！食到好饱，但系侍应拎左盘甜品出黎，款款都好吸引，所以又点左个cream brûlée ,最惊喜系佢竟然记得朋友订位时留左