影片
更多
2009-11-30
11 浏览
30-11-2009从未来过呢间 "Chinatown" feel 餐厅, 知道佢系 King Parrot 旗下, 其实无乜兴趣, 是日都系因为一行 9 人 lunch 为同事 farewell, 总算试埋呢度. 叫了 4 个一人餐, 1 个四人餐, 再散叫几款点心/甜品 share, 对食物无乜期望, 食落亦无惊喜, 不过都可幸无惊多过喜的:-茶系八宝茶, 睇得到的有菊花, 杞子及圆肉, 饮落就有淡淡红枣香及甘甘哋的人参味, 不过同「清甜润喉」有好大距离...鸡丝粉皮 (还是棒棒鸡?): 鸡丝够, 粉皮滑溜但有点厚, 麻酱份量够, 唔算香, 带少少辣味, 配上青瓜拌匀嚟食, 几开胃.牛(月展): 薄薄的几爽口,「骨胶原」部分几多, 豉油 look 的汁带点蒜味, 食咗都唔多记得的一碟.盐酥虾: 即「走辣避风塘炒虾」, 做得香脆, 虾肉结实爽弹, 食落好「盐酥」味, 蒜粒/葱粒 etc 拌白饭一流, 相信送酒仲正 全餐最好食绝对系呢样, 值得试试.烟鸭胸春卷: 「烟鸭胸」就食落你话系火腿我都信的粉红色条条丝, 无乜吃头; 入面有大量蔬菜, 蔬菜又以椰菜及红萝卜为主, 不过
从未来过呢间 "Chinatown" feel 餐厅, 知道佢系 King Parrot 旗下, 其实无乜兴趣, 是日都系因为一行 9 人 lunch 为同事 farewell, 总算试埋呢度. 叫了 4 个一人餐, 1 个四人餐, 再散叫几款点心/甜品 share, 对食物无乜期望, 食落亦无惊喜, 不过都可幸无惊多过喜的:-
茶系八宝茶, 睇得到的有菊花, 杞子及圆肉, 饮落就有淡淡红枣香及甘甘哋的人参味, 不过同「清甜润喉」有好大距离...
鸡丝粉皮 (还是棒棒鸡?): 鸡丝够, 粉皮滑溜但有点厚, 麻酱份量够, 唔算香, 带少少辣味, 配上青瓜拌匀嚟食, 几开胃.
牛(月展): 薄薄的几爽口,「骨胶原」部分几多, 豉油 look 的汁带点蒜味, 食咗都唔多记得的一碟.
盐酥虾: 即「走辣避风塘炒虾」, 做得香脆, 虾肉结实爽弹, 食落好「盐酥」味, 蒜粒/葱粒 etc 拌白饭一流, 相信送酒仲正 全餐最好食绝对系呢样, 值得试试.
烟鸭胸春卷: 「烟鸭胸」就食落你话系火腿我都信的粉红色条条丝, 无乜吃头; 入面有大量蔬菜, 蔬菜又以椰菜及红萝卜为主, 不过炸得热辣脆口又唔油腻, 蘸点醏/喼汁同吃, 叫做稳稳阵阵的一碟.
糖醋骨: 「疑似」生炒骨, 卖相似鸡软骨, 食落炸粉多过骨, 骨又多过乜, 橙色的酸甜酱汁就甜多过酸, 唔喜欢.
糟溜鱼片: 鱼肉滑得似烚蛋的蛋白 , 不过鱼味就当然淡薄啦; 同炒的百合就完全唔得粉腍又唔甜, 食到 sok sok 声, 似洋葱多 d 㖞, 唔喜欢.
仲有一碟啡啡黑黑酱汁的菇菌类, 稀稀的酱汁味道几「鳝糊」feel, 几咸, 食了一只好似茶树菇的, 完全谂唔起味道系点...
唔够分 / 抢的咸食有花素饺, 麻婆豆腐及两碟睇都未睇清, 就被扫清光的唔知乜嘢, 仲有粟米汤及青红萝卜汤. 唔知汤水如何?
3 客甜品就系豆沙锅饼,「4 色糕」及姗姗来迟的擂沙汤丸... 豆沙锅饼热辣辣, 唔油, 几脆, 够甜, 又一稳稳阵阵;「4 色糕」当中只食了绿茶糕, 味道好假, 绿茶味少得离奇, 同事食完仲误以为系蔗汁糕!? 桂花糕卖相最靓, 但据闻只得冰糖味; 仲有一只橙色的唔知乜糕, 3 个人分别食了都讲唔出系乜, 只有「甜甜哋咁啰」,「咬落似罗拔臣啫喱糖, 但又粉粉哋咁」, 听落都有点吓人...
食物麻麻, 环境及招呼就不错, 成个感觉真系好 Chinatown 又好似酒吧, 都系唔啱我呢 d「传统」老饼的了.
折后 (席上有人有 membership card) 埋单每人九十几蚊, 食得饱, 返工人多食 lunch 可以, 我自己就唔会再来了.
张贴