Aloha (已搬遷) 新店位置

单拖行过附近，就俾佢门面吸引。韩风又带点夏威夷嘅风格设计，实在系好吸睛！型格又易记嘅餐厅名，ALOHA😻入到去先知，原来系款式唔多，好专一嘅鱼生饭快餐店，但系味道同配搭，就真系好选择！环境同创意先食嘅我，肯定要试下呢间。78蚊食个lunch，话贵唔贵，话平唔平。不过咁舒服嘅环境，试下无！妨。分四个 step 俾你 DIY 配搭，自由度好很高。step1系先拣主食，即系个饭，我就拣左有机面，口味拣个辛辣韩风，同埋希腊之旅，主要鱼生都系三文鱼同呑拿鱼。鱼生好新鲜，好肥美，只系酱汁味同埋饭味可以再浓啲，味道实在好多款配搭，下次一定要试埋其他先得！整体嚟讲，成间餐厅都好主打健康生活，啱哂一班 OL！温馨提示，细食嘅女仔未必食得哂啲饭，因为份量都唔少，所以可以叫少饭。