湊湊火鍋‧茶憩 (K11購物藝術館)

营业中

休息中

早排行街行到肚饿，但系又未到食晚饭嘅时间，冻冻地又见间凑凑火锅下午茶时间冇乜人，俾佢出面写住无限续鸭血吸引到，即管试下佢。第一样吸引到嘅反而系「企鹅丸」，其实系墨鱼丸d friend，应该系平时白色加黑色墨鱼丸唧出嚟。见佢哋个样咁得意唔舍得咬落去，但系真系好弹牙，真心正！鸭血豆腐梗系配麻辣锅先正啦，个锅叫「励志锅」，即系台式麻辣锅。以为d 鸭血豆腐可以任叫就会低质，点知d 豆腐滑得嚟豆味浓，鸭血好入味。仲有前菜生果系出面任夹，性价比奇高。环境又坐得舒服，同朋友倾下倾下，添下豆腐鸭血点知食饱咗。一定会有下次，到时人多d 可以叫多几款试真d 呢间网红店。