華記小食店

营业中

休息中

喺坪洲呢个小岛入面，有一间车仔面小食店喺转角小巷屹立咗好多年，最独特嘅地方系有一样小食叫做糯米球，主要系用糯米搓成一个球状再沾上粉浆落入热油一炸，外脆内软，外层系充斥住一阵咸香加油香，味道适中，少少嘅咸味，咬落去烟烟韧韧，相信喺其他地方都好难再揾到呢一种炸物。另外出名嘅嘢食就系炸虾饼，一年三只鲜虾沾上炸粉浆，连壳一齐炸，香脆到虾头都可以食到，其实额外萝卜饼都系好好食，不过就真系要睇运气，虾饼萝卜饼好多时候都会卖晒。而最后一样要推介嘅就系肠仔沾粉浆，相信喺其他地方可能就系普通咁样炸条肠仔就算，但系呢度就俾你拣会唔会加粉浆落去炸，加咗粉浆之后口感加强咗，外皮会更加脆，食落去会更有层次。