Steak Bar (已結業)

.好耐冇同妈咪食好西，今次带佢过海黎铜锣湾行街兼食啲特别野😎我揾揾揾，终于揾到呢间食石烧牛，妈咪未试过呢种食法，就带佢黎食啦😋我地叫左两个set，妈咪叫左吉列炸牛扒($188)，我叫左香煎鱼柳($195)，仲叫左一杯热洋甘菊($35)。每个set都跟一客沙律、酸萝卜同饭素饭。Set B 吉列炸牛扒呢个真系好吸引，妈咪食完大赞好好食，话再食多碟都得呀，我好少见我妈会赞到咁夸张，佢食到超满足既样我都开心既👍🏼😋餐黎到见到块吉列牛好大块好多片已经😍😍😍，店员有讲解点样烧，烧几耐最好食👍🏼石炉上片牛油要烧5分钟先，之后就可以落吉列牛落去烧，每面各烧30秒，再烧耐啲大约8成熟最好食，会再淋身啲，口感更好。妈咪第一块牛每面各烧30秒，本身吉列牛外层已经炸到脆卜卜，烧完食落更脆，吉列牛食落入口即溶，肉嫩多汁，我妈话好好食！(我成晚都系听到呢句🫢)之后几块我妈再烧耐啲，烧到有啲㶶㶶地，原来更好食，锁住肉汁，煎到更香更脆口，沾上烧汁、蒜盐、炸蒜一齐食，味道更浓郁！Set F 香煎鱼柳呢个又系好推介！鱼都可以好好食！比目鱼煎到表面金黄色，入面既鱼肉却好滑，鱼皮都有煎过，好香口，食落都有鱼油香，仲有鱼扒好大