吞POT 雞煲火鍋.住家菜

营业中

休息中

依座大厦差唔多层层都系餐厅，特别多火锅、韩烧、任食依类型嘅，好啱黎觅食。今日同朋友黎吞POT，个名好有趣。首先有胡椒猪肚鸡煲($168)，人唔多，净系叫咗半只，已经好足够。鸡食得出非常新鲜，而猪肚煲得又淋又入味。最值得赞嘅系个汤底，胡椒味好重，但又好有鲜美，我同朋友都饮咗几碗！火锅嘅配料有日本广岛蚝($83)、桂花蚌($110)，食落去都觉得好新鲜。蚝非常大粒，煮完之后虽然缩咗水，但系一咬，啲汁就涌哂出黎，特别清甜。桂花蚌好有口感，爽口得黎又带点烟韧感，虽然有少少贵，但系物有所值。除咗火锅之外，餐厅仲有提供几款小食。我地叫咗脆皮炸大肠($72)，听落去好油腻咁，但系比想像中完全唔同。名符其实嘅脆皮，然后有口感柔滑嘅脂肪。隔离仲配咗菠萝，俾客人消济。