Find The Way

营业中

休息中

一行4个朋友食完饭本身谂住食个甜品倾下计，都明白小店座位唔多，一早有等位既心理准备。室外等左半个钟终于好似睇到去waiting list既头位。奈何店员不断比后到既顾客先行入座。一行朋友等左一个小时，眼望住十五分钟前先留名waiting list既顾客早过我地入座，因为我地登记留既名仲系waiting list既上一页，刚入座既顾客留名已经系waiting list新一页，所以我地入店查问： 请问会唔会系漏左叫我地留既名？我地一早登记，仲系waiting list上一页，但系得到既只有男店员恶劣态度既回覆：冇漏！系冇位架！等下啦！….. 其实系佢多次比两位既客入先之前， 我地望入店内都见到系有空位，只要店员安排一下，其实一行人一早就可以入座，即使店员唔想惊动已入座既顾客，亦不致于用咁恶劣既态度回覆，毕竟我地一路耐心等左足足一个小时。 非常扫兴，要受气，态度恶劣既食店，再好食都冇用。